Novas
Club de lectura
O prazo de inscrición remata o mércores 22 de setembro
- Compartir
O Ateneo de Santiago abre o prazo de inscrición para o Club de lectura 2021-2022, o cal terá lugar no Salón de Actos Isaac Díaz Pardo do Ateneo de Santiago en sesións de 1 hora e 30 minutos, dúas veces ao mes, entre outubro e xuño.
A preinscrición deberá realizarse no enderezo electrónico ateneo@ateneodesantiago.gal ata o mércores 22 de setembro, tendo preferencia de admisión os membros do club de lectura do último trimestre do curso anterior.
En función da cantidade de persoas inscritas, o prezo desta actividade estará entre os 20-24€/trimestre para os ateneístas, a aboar en outubro, xaneiro e abril (todas as achegas realizadas ás entidades sen ánimo de lucro declaradas de utilidade pública teñen deducións na declaración do IRPF).
