Debate sobre «Mendel, el de los libros» de Stefan Zweig
- Data
- Martes, 6 e 13 de abril de 2021
- Horario
- 17.45h
- Lugar
- Skype
Os martes, 6 e 13 de abril, ás 17.45h terán lugar novas sesións telemáticas do Club de Lectura a través da plataforma Skype, onde se comentará a obra Mendel, el de los libros, de Stefan Zweig.
Mendel, el de los libros narra a historia dun vello vendedor ambulante de libros, un xudeo de nacionalidade rusa cuxa presenza é tolerada nun Café vienés pola súa erudición bibliográfica. Será acusado de colaborar cos países inimigos, Francia e Gran Bretaña, na I Guerra Mundial, e enviarano a un campo de concentración.
Stefan Zweig (1881-1941) foi un escritor, biógrafo e activista social austríaco xudeu moi popular nos anos 20 e 30. As súas obras estiveron entre as primeiras que protestaron contra a intervención de Alemaña na I Guerra Mundial. Escribiu novelas, relatos e biografías. Entre estas destacan as de María Estuardo e a de Fouché.