Visita guiada ás escaleiras monumentais compostelás

O sábado, 26 de febreiro, ás 11.00h o Ateneo de Santiago realizará unha visita por varias escaleiras monumentais compostelás, que estará guiada por Milena Cortés, autora da tese doutoral De tiros, pegadas e arrimos. Historia da escaleira monumental en Santiago de Compostela (XVI-XXI), e que incluirá o seguinte:
   - Escaleira ao ceo de San Domingos de Bonaval. Aproveitarase para visitar tamén a nova sala dedicada á Historia de Galicia do Museo do Pobo Galego.
   - Escalinata principal da Facultade de Medicina.
   - Escaleiras e claustros do Hostal dos Reis Católicos.

As prazas son limitadas polo que todo aquel que queira participar deberá anotarse no enderezo ateneo@ateneodesantiago.gal, admitíndose unicamente a inscrición dun máximo de dúas persoas en cada solicitude e tendo preferencia de admisión os/as socios/as do Ateneo. A data límite para anotarse é o xoves, 24 de febreiro.

NOTA: a entrada ao Museo do Pobo Galego será gratuíta para os socios/as do Museo, desempregados e estudantes menores de 18 anos. O resto de participantes deberán aboar o prezo da entrada correspondente.