Debate sobre «País de nieve» de Yasunari Kawabata

Data
Martes, 13 de decembro de 2022
Horario
17.45h
Lugar
Salón de Actos Isaac Díaz Pardo do Ateneo de Santiago
Compartir

Os días 13, 15, 20 e 22 de decembro, ás 17.45h no Salón de Actos Isaac Díaz Pardo do Ateneo de Santiago (Pr. Salvador Parga, 4, 2º) terán lugar novas sesións do Club de Lectura do Ateneo de Santiago, onde se comentará a obra País de nieve de Yasunari Kawabata.

Shimamura regresa ao País de nieve atraído pola beleza da estación e o tradicional estilo de vida. Pero volve especialmente por Komako, unha rapaza aprendiz de geisha que coñeceu nunha viaxe anterior. El é un home rico, de mediana idade, que intenta escapar dun matrimonio sombrío e da súa vida en Tokio. Ela, unha belísima muller vulnerable ás súas propias emocións, que madura ante os ollos da súa amante. O amor apaixoado que Shimamura esperta en Komako suponlle un dilema: incapaz de correspondelo, pero á vez fascinado pola súa intensidade, optará por repetir e prolongar a súa estadía nas termas aproveitando a distancia perfecta que lle ofrece a relación hóspede-geisha. Unha terceira personaxe, a misteriosa Yoko, tece o seu destino ao da parella, co branco da neve como trasfondo e presenza continua.

Yasunari Kawabata naceu en Osaka en 1899. Orfo aos tres anos, insomne perpetuo, cineasta na súa xuventude, lector voraz tanto dos clásicos como das vangardas europeas, foi un solitario empedernido. Escribiu máis de doce mil páxinas de novelas, contos e artigos, e é un dos escritores xaponeses máis populares dentro e fóra do seu país. Mantivo unha fonda amizade co escritor Yukio Mishima, do que foi mentor e difusor. Recibiu o Premio Nobel de Literatura no ano 1968. Entre as súas obras, moitas delas marcadas pola soidade e o erotismo, destacan La bailarina de Izu, El maestro de Go, Lo bello y lo triste (Emecé, 2001), Mil grullas (Emecé, 2005), País de nieve (Emecé, 2007), El rumor de la montaña (Emecé, 2007) e Historias de la palma de la mano (Emecé, 2008). Kawabata suicidouse aos setenta e dous anos.

Próximos eventos Ver axenda