Presentación do libro «Sutiles presencias» de José Francisco Rodil Lombardía
- Data
- Mércores, 29 de novembro de 2023
- Horario
- 19.30h
- Lugar
- Rúa do Vilar, 19, Santiago de Compostela
- Máis información
Acceso libre ata completar a capacidade da sala
O mércores, 29 de novembro, ás 19.30h, terá lugar na Rúa do Vilar, 19, de Santiago de Compostela, a presentación do libro «Sutiles presencias» de José Francisco Rodil Lombardía. No acto participarán:
- Francisco Candela, Vicepresidente do Ateneo de Santiago
- Xavier Lama, xornalista e escritor
- Cristian Velasco, editor de Velasco Ediciones
- José Francisco Rodil Lombardía, autor da obra
Sutiles presencias agrupa dez contos protagonizados por espíritos que sinten nostalxia do que foron en vida: una pianista, un catedrático, unha tendeira, un topógrafo… Dez historias que falan das presenzas sutís, etéreas, que se manifestan de improviso e apenas podemos percibir e comprender, só sentir como unha brisa tenue que nos estremece. Anhelos, paixóns, querencias, reivindicacións e lamentos. Melancolías de pantasmas.
José Francisco Rodil Lombardía é licenciado en Ciencias da Información pola Universidade Complutense de Madrid. Traballou como redactor no diario Informaciones, no departamento de prensa do Ministerio de Administración Territorial, en El Correo Gallego e en Televisión de Galicia. Foi, así mesmo, xefe de control de cadea da CRTVG, director da Voz de Asturias e delegado do Grupo Z en Asturias. Na actualidade, é vocal da Comisión de Garantías da Federación de Asociacións de Xornalistas de España.
