Conferencia «Trump is Back» de Antón Losada

O luns, 9 de decembro, ás 19.30h o Ateneo de Santiago ten programada na Rúa do Vilar, 19, de Santiago de Compostela unha conferencia titulada «Trump is Back», que estará impartida por Antón Losada, Profesor Titular de Ciencia Política da USC e comentarista político.

Antón Losada Trabada (Xove, 1966) é Doutor europeo en Dereito pola Universidade de Santiago, Profesor Titular de Ciencia Política no departamento de Socioloxía e Ciencia Política desa universidade dende 1998 e ten un máster en xestión pública pola Universidade Autónoma de Barcelona. Autor de obras como Piratas de lo Público, Los Ricos Vamos Ganando ou Código Mariano, tamén é investigador principal no CISPAC, Visiting researcher na Georgetown University e Postgraduate researcher na London School of Economics. Anteriormente foi Secretario Xeral da Vicepresidencia da Xunta de Galicia e Secretario Xeral de Relacións Intitucionais. Comentarista e analista en Cadena Ser e na revista Luzes, participou en diversos parladoiros radiofónicos e escribiu artigos en El Diario, CTXT, Radio Euskadi, TVE, RAC 1, Cuatro, TVG, El Periódico e El País. A mediados dos anos noventa ocupou a dirección de Radiovoz en Madrid e foi adxunto ao conselleiro delegado de La Voz de Galicia.