Axenda cultural: Que facer hoxe, 2 de febreiro, en Santiago?

Conferencia de Ángel Carracedo

Hoxe (19:30 h.), o Ateneo de Santiago ten programada na Rúa do Vilar, 19 (Afundación) unha conferencia titulada De Mendel aos grandes proxectos xenómicos: Proxecto Xenoma Galicia, que estará impartida por Ángel Carracedo, experto internacional en xenética. Catedrático de Medicina Legal da Universidade de Santiago (USC) dende 1990, Carracedo é dende 1998 director da Fundación Pública Galega de Medicina Xenómica (Sergas-Xunta de Galicia), centro onde se centraliza o diagnóstico xenético de Galicia con máis de 40.000 pacientes por ano e o de maior volume de España. A conferencia é de entrada libre ata encher un aforo de 100 localidades.

Ver en El Correo Gallego